Noong isang araw, ako ay nagtungo sa isang di kalayuan na mall sa Quezon City para magchill sandali. Habang ako ay nag iisip kung saan tatambay, kakain at magchi-chill, naisip ko munang magpunta sa annex building nitong nasabing mall para mag sight seeing ng kung anu-ano. Ako ay umabot sa pinaka-taas na palapag ng annex building (5th Floor), at nang maramdaman kong nagugutom at medyo pagod na ko sa paglalakad, ako ay gumamit ng elevator para makababa ng mas mabilis at hindi nakakapagod.
Nang ako ay makapasok na ng elevator, mayroong humigit kumulang na 10 katao sa loob nito. May dalawang babaeng magkaibigan ang tawa ng tawa, parang pers taym makasakay ng elevator (chos). Sumarado na ang pinto ng elevator at ito ay bumaba na. Nang kami ay makarating sa pang-apat na palapag (4th Floor), at bumukas na ang pinto ng elevator, ang dalawang babae ay napatingin sa labas na tila may hinahanap na store.
Bigla nilang nakita ang Nokia store, ang sabi ng isa, "Ayun pala yung Nokia, tara na! dali!", habang ang isa naman ay, "sandali, sumabit ang bag ko! teka lang". Sumabit ang bag niya sa handle sa loob ng elevator hanggang sa tuluyan ng nagsarado ang pinto.Pagkatapos nun ay wala na silang ginawa kundi tumawa ng tumawa hanggang sa lower ground floor ng annex building. Kinginang yan! :))
Posts
